У мінулую нядзелю Івянец успамінаў свае традыцыі і легенды, паданні і галоўных гістарычных персанажаў.
СП "Івкон” ААТ надумала адрадзіць старадаўні беларускі звычай летніх фэстаў і наладзіла першы цукеркавы фестываль "IVKON”. Уся мастацкая яго частка была пабудавана на мясцовых паданнях з прыцягненнем сталічных калектываў – гуртоў "Рада”, "Гуда”, "Дзівасіл” і іншых. Не згубіліся сярод прафесіяналаў, а сказалі сваё адметнае музычнае слова і тытулаваны Ракаўскі "Гасцінец”, і пакуль што менш вядомы гурт Івянецкай музычнай школы "Рарог”. Аднак дамінантная роля адводзілася вырабам "Івкона” – разнастайным цукеркам і іншым прысмакам, якія сыпаліся, бы з "рога дастатку”. Ласуны наеліся на сто гадоў наперад. Пачатак святу быў пакладзены на плошчы гарпасёлка, адкуль удзельнікі і госці шматлікім натоўпам з харугвамі з выявамі гербаў былых уладароў Івянца, з музыкамі і хадунамі рушылі на асноўную пляцоўку – у сядзібна-паркавы комплекс П. Драгунцава, дзе праходзіла асноўнае дзеянне. Працавалі гандлёвыя рады, можна было набыць вырабы народных умельцаў не толькі Валожынскага, але і суседняга Стаўбцоўскага раёнаў. Да падзеі нарадзілася фестывальная песня, словы да якой напісала Антаніна Хатэнка, а музыку – Зміцёр Вайцюшкевіч. Дарэчы, у той святочны дзень можна было пачуць некалькі твораў у выкананні знакамітага музыканта. Людзі розных узростаў з цікавасцю сачылі за рыцарскімі баямі. Грандыёзнае фаер-шоу ў вячэрнім змроку стала заключным акордам фэсту. Жадаючыя патанчыць рэалізавалі сваё жаданне, як і жадаючыя паспяваць. Прама на месцы можна было навучыцца старадаўнім танцам. Народ гуляў і радаваўся магчымасці дакрануцца да сваіх вытокаў.
Рассыпае частункі "Івкон”, і шчыруе раскрылена радасць. На гасціннай зямлі, як спакон, Міралюбна, прасветла і зладна...
HASH(0x449e278)