15 студзеня – 70 гадоў з дня ўтварэння Валожынскага раёна
9 МАЯ – 65-ГОДДЗЕ ВЯЛІКАЙ ПЕРАМОГІ
10 сакавіка споўніцца 145 гадоў з дня нараджэння Старога Уласа (Уладзіслава Пятровіча Сівога-Сівіцкага), беларускага паэта, збіральніка фальклору. 480 гадоў таму нарадзіўся Сымон Будны – вядомы гуманіст і асветнік, тэолаг і рэлігійны рэфарматар, філосаф, гісторык, паэт, які некаторы час жыў і працаваў у вёсках Лоск і Вішнева. 170 гадоў назад (1840-1850 гг.) быў заснаваны тэатр В. І. Дуніна-Марцінкевіча, а таксама створаны В. І. Дуніным-Марцінкевічам першы беларускі тэатральны калектыў. 10 снежня споўніцца 140 гадоў з дня нараджэння Фердынанда Рушчыца, жывапісца, графіка, тэатральнага дэкаратара, які жыў і працаваў у Багданаве. Яго творчасць цесна звязана з мастацкім жыццём Беларусі, Польшчы і Літвы. 15 мая споўніцца 110 гадоў з дня нараджэння беларускай паэткі Ганны Міхайлаўны Рубацкай. Нарадзілася яна ў вёсцы Жураўцы. 30 гадоў таму (30 жніўня 1980 года) была адкрыта сярэдняя школа № 2 горада Валожына. 305 гадоў назад пачаў дзейнічаць касцёл святога Міхаіла і кляштар францысканцаў у Івянцы – выдатны ўзор архітэктуры стылю ракако. 70 гадоў таму (1940 г.) заснаваны Вялаўскі дзяржаўны заказнік на тэрыторыі Валожынскага і Івянецкага раёнаў. Існаваў да 1951 года. 55 гадоў таму назад (11 ліпеня 1955 года) была створана майстэрня мастацкай керамікі імя Дзяржынскага ў г. п. Івянец. 35 гадоў назад (19 чэрвеня 1975 года) была ўведзена ў эксплуатацыю першая чарга Івянецкага племптушказавода на 40 тысяч птушкамесцаў. 145 гадоў таму была адкрыта царква ў гонар святых бяссрэбраннікаў Касмы і Даміяна ў вёсцы Вішнева – помнік архітэктуры псеўдарускага стылю. 45 гадоў таму (5 красавіка 1965 года) у Валожыне адкрыліся лініі аўтобуснага руху па горадзе. У чэрвені споўніцца 60 гадоў з дня ўтварэння СВК "Манькаўшчына”. 230 гадоў назад пачаў дзейнічаць Вішнеўскі металургічны завод, на якім упершыню пабудавана доменная печ. 70 гадоў таму (1 сакавіка 1940 года) створана РУП "Валожынскі жылкамунгас”. У маі споўніцца 50 гадоў, як быў уведзены ў эксплуатацыю галоўны корпус Валожынскага масласырзавода. 1 жніўня – 15 гадоў, як было ўтворана ПУП "Валожынскі кааппрамгандаль”. 55 гадоў таму (10 ліпеня 1955 года) была пушчана Сакаўшчынская гідраэлектрастанцыя.
HASH(0x449e278)